Malampusong gipahigayon ang turnover sa mga Movable Compost Bins sa Barangay Gun-ob isip kabahin sa padayon nga paningkamot sa barangay sa pagpalig-on sa solid waste management ug pag-atiman sa atong kinaiyahan.
Personal nga gitunol ang mga movable compost bins ni Barangay Captain Carl Weigel, uban sa suporta nila Konsehal Angiela Arias ug Konsehal Joel Amores, isip pagdasig sa mga programa nga nagpalambo sa kalimpyo ug kahapsay sa komunidad.
Nakaduyog usab sa maong kalihokan si City Councilor Rufo Ymbong Bering, uban ang mga Urban Poor Coordinators gikan sa opisina ni Councilor Tino Aying, nga nagpakita sa ilang padayon nga suporta sa mga inisyatiba alang sa kaayohan sa mga Gun-obanon.
Pinaagi niini nga programa, gilauman nga mas mapalambo ang environmental awareness, mapakunhod ang organikong basura, ug mapalig-on ang kooperasyon sa komunidad sa pagmintinar sa usa ka limpyo, luwas, ug himsog nga Barangay Gun-ob.
Daghang salamat sa tanang mga opisyal, kauban, ug mga residente nga nagpadayon sa pagtinabangay alang sa usa ka mas berde ug mas maayong kaugmaon para sa atong barangay.
🍃 Magtinabangay kita sa pag-atiman sa atong kinaiyahan. Ang kalimpyo magsugod sa matag panimalay!
#BarangayGunOb #EnvironmentalProtection #CompostBinProgram #SerbisyoAlangSaGunObanon #CleanAndGreen #SolidWasteManagement
