Gipahigayon karong hapona ang Oath Taking Ceremony sa bag-ong set of officers sa Barangay Gun-ob Persons with Disabilities (PWD) Organization, isip pormal nga pagsugod sa ilang mandato ug responsibilidad sa pagrepresentar ug pag-alagad sa mga PWD sa atong barangay.
Gitambongan ang maong kalihokan nila Konsehal Kenneth “Ken Ken” Weigel ug Konsehal Michael “Makay” Bering, nga mipakita sa ilang padayon nga suporta sa mga programa ug inisyatiba alang sa pagpalig-on sa sektor sa PWD sa Barangay Gun-ob.
Uban usab sa maong kalihokan ang suporta ni Kapitan Carl Steven Weigel, nga padayon nga nagpalig-on sa mga programa nga naghatag og patas nga oportunidad, serbisyo, ug pagtagad sa lain-laing sektor sa atong komunidad, lakip na ang atong mga kaigsuonan nga adunay kapansanan.
Ang pagpili ug pagpanaad sa bag-ong mga opisyal usa ka importante nga lakang aron mas mapalig-on ang organisasyon ug mapadayon ang koordinasyon tali sa PWD sector, Barangay Government, mga ahensya, ug nagkalain-laing organisasyon.
Gilauman nga pinaagi sa bag-ong mga lider, mas mapalapad pa ang mga programa ug serbisyo alang sa atong mga PWD, ug mas madungog ang ilang mga panginahanglan, concerns, ug mga suhestiyon alang sa kaayuhan sa tibuok komunidad.
Ang Barangay Gun-ob nagpabiling komitado sa pagpalambo sa usa ka komunidad nga walay gibilin ug walay gipahilayo, diin ang matag Gun-obanon adunay lugar, tingog, ug higayon nga mahimong kabahin sa pag-uswag sa atong barangay.
💙 Padayon ang panaghiusa. Padayon ang serbisyo. Padayon ang pag-atiman sa matag Gun-obanon.
Para sa Gun-ob. Para sa tanan.
#ParaSaGunOb #SerbisyongTinuoray #PWDGunOb #PadayonUswagParaSaGunOb #AksyunAgad #KaabagDiliBabag
