Daghang pasalamat sa tanan nga mitambong ug misuporta sa atong Barangay Assembly 2025 diin gipahigayon usab ang State of the Barangay Address (SOBA) ni Kapitan Carl Steven Weigel.
Nabati sa tanan ang komprehensibong accomplishment report sa Barangay Gun-ob alang sa tuig 2025 gikan sa mga proyekto sa infrastruktura, kalimpyo, kahimsog, kalinaw ug seguridad, edukasyon, panginabuhian, ug serbisyo publiko.
Ang tanan nga kalampusan usa ka bunga sa panaghiusa ug aktibong partisipasyon sa katawhang Gun-obanon.
Sa iyang mensahe, gipasantop ni Kapitan Carl Steven Weigel nga ang tinuod nga kalampusan sa usa ka barangay makita dili lang sa mga proyekto, apan sa paghiusa, disiplina, ug kadasig sa katawhan. Iya usab gipasalamatan ang suporta sa Barangay Council, mga tanod, health workers, SK officials, ug mga purok leaders, nga nagpadayon sa ilang malungtarong serbisyo alang sa katawhan.
Samtang nagpadayon ang atong mga programa ug proyekto, ang tibuok Barangay Council karon nagtinabangay sa pagpangandam alang sa umaabot nga bagyo. Gipahigayon ang mga lakang aron masiguro ang kahapsay ug kaluwasan sa tanang Gun-obanon.
Mag-ampo kita nga malikayan ang kadaot ug katalagman, ug nga protektahan sa Ginoo ang atong mga pamilya ug komunidad.
Ang Barangay Gun-ob, ubos sa liderato ni Kapitan Carl Steven Weigel ug sa tibuok konseho, magpadayon sa pagserbisyo nga matinud-anon, transparent, ug puno sa kasingkasing alang sa tanan.
Padayon ta sa tinuod nga serbisyong publiko, alang sa mas lig-on, limpyo, ug malinawon nga Barangay Gun-ob!
