Human sa kusog nga bagyo, dili pa mohunong ang paningkamot sa atong BDRRMO Team ug Clean & Green Team sa pagpanglimpyo ug pagpamutol sa mga natumbang kahoy nga naghatag ug peligro sa komunidad.
Kada adlaw, sila naglibot sa mga purok aron ma-assess ug ma-aksyunan dayon ang mga lugar nga nagkinahanglan ug hinlo ug clearing operations.
Karon, ania sila sa Purok Tambis, nagpadayon sa pagpamutol, paghipos, ug paglimpyo aron mahawanan ang dalan ug mabalik ang normal nga palibot sa mga residente.
Dako ang among pasalamat sa inyong kadasig, kusog, ug tinuod nga pag-alagad alang sa kaluwasan sa katawhan.
Daghang salamat usab sa Kapitan Carl Weigel sa iyang padayon nga suporta, pagdumala, ug klarong direksyon sa tanang operasyon. Ang iyang pagpakabana ug pag-atiman sa komunidad naghatag og kusog ug inspirasyon sa mga teams nga nagtrabaho sulod sa tibuok barangay.
Kung naa moy reklamo, concern, o gusto ipahibalo, i-report direkta sa official system:
🌐 gunoblapulapu.com
Magpadayon ta sa pagtinabangay, mga Gun-obanon. Atong kaluwasan ug kalimpyo, atong responsibilidad.
📢 For more updates, follow:
📌 Barangay Gun-ob Public Information Office – PIO
📌 Capt. Carl Weigel
📌 Gun-ob TV
