Human sa miaging kusog nga hangin ug ulan, padayon karon ang atong Clearing Teams sa pagpanlimpyo ug pagpanghipos sa mga sanga ug kahoy nga nabali ug natumba sa lain-laing parte sa atong barangay.
Kini usa ka paningkamot sa tibuok Barangay Gun-ob aron masiguro nga limpyo ug luwas ang kadalanan, eskinita, ug palibot sa mga panimalay. Ang atong mga personahe gikan sa BDRRMO, Tanod Force, Clean & Green, ug mga volunteers nagtinabangay aron maibalik dayon ang kahapsay ug kalimpyo sa komunidad.
🙏 Pasalamat sa Ginoo kay wala kaayo grabe nga kadaot ug luwas ang kadaghanan sa atong mga residente.
Usab, dako kaayong pasalamat sa atong Mayor Cindi King-Chan ug Congressman Junard “Ahong” Chan sa ilang sayo nga pagpangandam ug suporta alang sa kaluwasan sa tanang Oponganon. Ang ilang koordinasyon naghatag ug kalinaw sa katawhan.
💙 Labaw sa tanan, salamat sa atong Kapitan Carl Weigel sa padayon nga paggiya ug pagpanguna sa mga kalihokan sa barangay. Ang iyang pag-alagad ug kadasig mao’y inspirasyon sa tanan aron magtinabangay ug mag-atiman sa atong komunidad.
Maghiusa ta sa pagpanalipod sa atong palibot ug sa pagbarug isip usa ka kusgan, limpyo, ug luwas nga Barangay Gun-ob!
#ClearingOperations #TeamGunob #PadayonSaSerbisyo
