Padayon ang kalamboan sa atong komunidad pinaagi sa Bayanihan Project dinhi sa Purok Ampalaya! Kaganiha, personal nga gipa-inspeksyon ni Capt. Carl Steven Weigel ang kasamtangang progreso sa proyekto uban sa Barangay Administrator Sixto Tumulak aron masiguro nga hapsay ang dagan sa trabaho ug masunod ang plano alang sa kaayohan sa mga residente.
Sugdan na ugma ang Phase 2 sa proyekto diin padayon nga palig-onon ug pauswagon ang agianan aron mahimong mas luwas, lig-on, ug komportable gamiton sa tanang lumolupyo sa maong purok. Gisusi usab ang estimated nga gastuhon aron masiguro nga kompleto ang pondo ug walay hunong ang trabaho hangtod sa mahuman kini.
Gilauman nga sulod niining buwana makompleto na ang maong proyekto nga maghatag og dakong kausaban sa adlaw-adlaw nga pagbiyahe sa mga taga Purok Ampalaya.
Dako kaayong pasalamat sa tanang lumolupyo nga aktibong nakigbayanihan pinaagi sa inyong kusog, oras, ug kooperasyon. Kamo gyud ang kusog sa atong komunidad! 💪👏
Nagpasalamat usab kita sa padayon nga suporta nila Mayor Cindi King Chan, Congressman Junard Ahong Chan, ug sa tibuok Barangay Council nga kanunay nagpaluyo sa mga proyekto alang sa kaayohan sa katawhan.
🤝 Ang Bayanihan dili lang proyekto—simbolo kini sa panaghiusa ug pagtinabangay alang sa mas maayong kaugmaon.
#BayanihanSaGunOb
#PurokAmpalaya
#PadayonAngKalamboan
#SerbisyongTinuod
#GunObanon
