📢 PAHIBALO SA MGA GUN-OBANON
Gusto namong ipahibalo sa atong mga Gun-obanon nga ang plano nga pag-renovate sa Hugpa Daycare Center ug ang proposed construction sa bag-ong Health Center sa Purok Balanghoy temporaryong gi-hold tungod sa usa ka legal concern bahin sa yuta nga gikapahimutangan sa maong Daycare Center.
Ang Hugpa Daycare Center dugay na nga natukod ug nagserbisyo sa komunidad. Apan sulod sa mga katuigan, wala kini ma-renovate tungod sa mga concern bahin sa ownership ug title sa maong propiedad, diin adunay mga partido nga nag-angkon og katungod niini.
Niadtong Septiyembre 16, 2026, nakadawat ang Barangay og formal Notice of Objection gikan sa mga heirs sa Late Cosep Family, nga naghangyo nga dili ipadayon ang bisan unsang construction o permanenteng development sa maong lugar samtang wala pa masulbad ang nagpadayong legal nga concern.
Ang renovation nga una natong giplano dili ordinaryong permanenteng building. Ang konsepto niini mao ang paggamit og movable container structure, aron kung gikinahanglan sa umaabot tungod sa legal nga kahimtang sa propiedad, mahimo kining ibalhin ug i-assemble sa laing lugar.
Importante alang kanato nga mapauswag ang kondisyon sa Hugpa Daycare Center aron mas luwas ug mas komportable ang atong mga kabataan, ingon man ang pagpalig-on sa health services nga atong gitinguha nga mahatag sa mga residente sa Purok Balanghoy.
Apan isip Barangay, kinahanglan usab natong respetuhon ang legal nga proseso, mga dokumento, ug mga notice nga atong nadawat. Busa, ang proyekto temporaryong gi-hold samtang atong susihon ang legal nga kahimtang sa propiedad ug ang hustong proseso nga angay sundon.
Atong ipaabot kang Mayor Cindi King Chan ug Congressman Junard “Ahong” Chan ang maong concern aron mangayo og hustong tambag, guidance, ug posibleng lakang kung unsaon nato pagpadayon sa atong plano sa legal ug hapsay nga paagi, samtang ginatubag ang concern bahin sa propiedad.
Atong tan-awon ang tanang legal ug praktikal nga kapilian, lakip ang posibilidad sa laing angay nga site o uban pang pamaagi nga makatugot nga mapadayon ang atong tumong nga mahatagan og mas maayong daycare facility ug health services ang mga Gun-obanon.
Dili kini pasabot nga gibiyaan na ang atong plano. Temporaryo lamang nato kining gipahunong aron masiguro nga ang sunod nga lakang sakto, legal, ug makahatag og dugang kaayohan sa komunidad.
Padayon ang atong paningkamot alang sa mas duol, mas luwas, ug mas maayong serbisyo Para sa mga Gun-obanon. 💙
#ParaSaGunOb #SerbisyongTinuoray #AksyonAgad #HugpaDaycareCenter #BarangayGunob
