Mibisita ang mga opisyal sa Barangay Gun-ob, kauban ang atong Barangay Captain Hon. Carl Steven Weigel, ngadto sa buhatan ni Lapu-Lapu City Mayor Hon. Cindi King Chan para sa usa ka courtesy visit ug panaghisgot kabahin sa mga isyu ug plano alang sa barangay.
Usa sa mga pinaka-importanteng gihisgutan mao ang proposed bag-ong access road nga maggikan sa Carajay Road paingon sa Basak. Kini nga dalan, kung maaprobahan ug mapatuman, makapakunhod sa kahuot sa dalan ug mohatag og alternatibong agianan alang sa mga motorista ug residente sa Gun-ob ug kasikbit nga mga lugar.
Dako ang among pasalamat kang Mayor Cindi King Chan sa iyang paminaw ug suporta sa plano nga proyekto, ug sa iyang kanunayng suporta sa Barangay Gun-ob.
Ang among paningkamot dili lang kutob sa pagserbisyo karon, apan para sab sa dugayng kausaban ug kalamboan nga mabati sa sunod nga henerasyon.
✨ Kining tanan, Para sa Gun-ob. Para sa katawhan.
📢 For more news and updates, follow:
📌 Capt. Carl Weigel
📌 Gun-ob TV
#AksyunAgad
#ParaSaGunOb
#KaabagDiliBabag
#WeigelAdministrationInAction
#BrgyGunobPublicInformationOffice
