Pormal na nga na-turnover sa atong supplier nga Next Step Solutions ang Barangay Command Center ug CCTV Project dinhi sa Barangay Gun-ob — usa ka dako ug makasaysayanong lakang alang sa kaluwasan ug kaayohan sa atong komunidad! 🚨✨
Ang Barangay Gun-ob ang una nga nakabaton niini nga klase sa modernong sistema, nga adunay mosunod nga mga advanced features:
🔹 Libreng WiFi
🔹 Intercom System
🔹 Emergency Posts
🔹 Bag-ong CCTV Cameras
🔹 Basura AI – awtomatikong mo-detect sa pataka ug labay basura ♻️
Kini nga proyekto dugay nang gipangandoy ni Kapitan Carl Steven Weigel, ug karon, natuman na gyud pinaagi sa paningkamot ug panaghiusa sa atong liderato ug komunidad. 🙌
Dako usab ang among pasalamat kang Konsehal Ken Ken Weigel (Committee on Infrastructure) ug kang Konsehal Bam Bam Baring (BDRRMO Chairman), nga personal nga misuway ug nag-inspeksyon sa tanang features — ug fully operational na kini karon! ✅
Dili lang kutob dinhi ang atong paningkamot. Sa umaabot, plano nga matag sitio sa Barangay Gun-ob adunay na Emergency Posts ug CCTV coverage, aron mas mapalig-on pa ang seguridad ug proteksyon sa tanang residente. 🛡️
Daghang salamat sa inyong padayon nga suporta. Padayon ta sa kalamboan, Gun-obanon! 💙
#GunobOnTheRise #SmartBarangay #KaluwasanUna #SerbisyongTinuod
#AksyonAgad #ParaSaGunOb #BrgyGunobPublicInformationOffice
