📢 𝗢𝗦𝗔𝗘𝗖-𝗖𝗦𝗔𝗘𝗠 𝗢𝗥𝗜𝗘𝗡𝗧𝗔𝗧𝗜𝗢𝗡 𝗚𝗜𝗣𝗔𝗛𝗜𝗚𝗔𝗬𝗢𝗡 𝗦𝗔 𝗕𝗔𝗥𝗔𝗡𝗚𝗔𝗬 𝗚𝗨𝗡-𝗢𝗕

Gipahigayon sa Barangay Gun-ob ang OSAEC-CSAEM Orientation alang sa mga ginikanan ug kabataan aron mapalig-on ang ilang kahibalo ug kooperasyon sa pagpanalipod sa mga bata batok sa Online Sexual Abuse and Exploitation of Children (OSAEC) ug Child Sexual Abuse or Exploitation Materials (CSAEM).

Ang maong kalihokan gipangulohan ni Committee on Social Services Chairperson Konsehal Angiela Arias, uban sa suporta ug partisipasyon sa City Social Welfare and Development Services (CSWDS), Violence Against Women and Children (VAWC) Desk, ug Philippine National Police (PNP).

Gihatagan og kahibalo ang mga partisipante bahin sa mga risgo nga mahimong masugatan sa online nga kalibutan, mga pamaagi sa paglikay sa online exploitation, ug ang importansya sa aktibong pagdumala ug pagpanalipod sa mga kabataan sa sulod sa panimalay ug komunidad.

Padayon ang Barangay Gun-ob sa pagpatuman og mga programa nga nagpalig-on sa kaluwasan, kaayohan, ug kaugmaon sa matag Gun-obanon pinaagi sa edukasyon, kooperasyon, ug responsableng pag-atiman sa atong kabataan.

#ParaSaGunOb #BrgyGunobPublicInformationOffice #ProtectOurChildren #OSAEC #CSAEM