Kini si Carl Steven Weigel, ang inyong Barangay Captain sa Barangay Gun-ob. Gusto ko nga ipahibalo sa publiko nga aduna kitay nadawat nga pormal nga reklamo batok sa atong Barangay Treasurer.
Gisiguro ko nga kini nga isyu atong gitagad og seryoso, ug gisugdan na nato ang hustong proseso sa imbestigasyon subay sa mga palisiya ug balaod nga gisunod sa lokal nga gobyerno.
Samtang nagpadayon ang proseso, ginahangyo nato ang katawhan sa pagpugong sa pagpakatap og dili kumpirmadong impormasyon, aron malikayan ang pagdaug-daug sa dungog sa bisan kinsa. Due process ang atong giila ug girespeto.
Ang among tinguha mao ang transparent ug matinud-anong pagserbisyo, ug among paningkamotan nga mapreserbar ang integridad sa atong Barangay.
Magpabilin kaming bukas sa inyong mga pangutana ug suporta. Salig lang mo nga ang hustisya motumaw sa hustong panahon.
Daghang salamat ug padayon ta sa tinuoray nga serbisyo para sa Barangay Gun-ob.
Carl Steven Weigel
Punong Barangay
Barangay Gun-ob, Lapu-Lapu City