Daling miresponde ang atong mga inspector sa Barangay Gun-ob human mireklamo ang mga lumulupyo mahitungod sa usa ka bakanteng lote nga gihimo nang tambakan sa basura.
Atol sa gihimong inspeksyon, nakumpirma nga ang maong dapit nahimo nang health hazard tungod sa kadaghan sa basura nga wala makolekta. Sumala sa mga residente, ang baho gikan niini nakaapekto na sa ilang adlaw-adlaw nga pagpuyo, ilabi na sa mga panimalay nga duol sa lugar.
Gimandoan na ang Waste Management Team nga limpyohan dayon ang area ug ipatuman ang estriktong ordinansa batok sa iresponsableng paglabay og basura.
🗣️ “Dili kita mohunong hangtod nga malimpyo kini ug masiguro nga dili na kini mausab,” matod sa namuno sa inspeksyon.
Padayon ang barangay sa pagpaningkamot nga mapreserbar ang kalimpyo ug kahimsog sa komunidad pinaagi sa akusyon ug disiplina sa matag usa.
📢 Pahimangno: Palihug likayi ang paglabay og basura sa dili angay nga lugar. Magtinabangay kita alang sa limpyo ug luwas nga palibot.
#AksyonAgad #CleanAndGreen #BarangayService #SerbisyongTinuod
