𝗕𝗔𝗥𝗔𝗡𝗚𝗔𝗬 𝗚𝗨𝗡-𝗢𝗕 — Nakapukaw sa atensyon sa mga residente ang paglabay sa daghang sako sa bugas sa Purok Nangka Lumoy.
Giklaro nga ang maong mga bugas dili na angay alang sa konsumo sa tawo ug gikan kini sa bodega sa usa ka bugasan dinhi sa Barangay Gun-ob.
Ang mga bugas gikarga sa truck sa basura aron unta dad-on ug ilabay sa dumpsite. Apan, usa ka residente sa Purok Nangka Lumoy ang mihangyo nga ipalabay na lamang kini sa ilang luna aron gamiton isip pagkaon sa iyang mga binuhi nga kanding.
Gipatin-aw nga ang maong mga bugas kabahin sa disposal sa mga produkto nga dili na magamit alang sa pagkaon sa tawo.
📌 𝗚𝗜𝗞𝗟𝗔𝗥𝗢: Dili na kini angay kan-on sa tawo. Ang paglabay sa maong mga bugas gihimo isip disposal, samtang gitugotan ang residente nga gamiton kini isip pagkaon sa iyang mga kanding.
#BrgyGunobPublicInformationOffice
