Aron mapadayon ang kaluwasan ug kahapsay sa atong komunidad, nagpahigayon og meeting si Barangay Captain Carl Weigel uban sa mga presidente sa nagkalain-laing E-Bike Associations sa Barangay Gun-ob aron hisgutan ang mga hagit ug mga lakang alang sa mas organisado nga operasyon sa mga e-bike.
Usa sa mga gipasiugda mao ang pagpalig-on sa E-Bike Driver ID System, nga magpasiguro nga ang tanang drayber nga nag-operate sulod sa barangay rehistrado, nailhan sa barangay, ug nakatuman sa gikinahanglang proseso, lakip ang Drug Test, isip kabahin sa pagpalig-on sa kaluwasan sa mga pasahero ug sa tibuok komunidad.
Nagpadayon ang Barangay Gun-ob sa pagpatuman og mga programa ug polisiya nga naghatag og prayoridad sa kaluwasan, disiplina, ug responsableng pagserbisyo alang sa tanang Gun-obanon.
#BarangayGunob #GunObPIO #PublicSafety #EBikeDrivers #SafeCommunity #AksyonAgad #ParaSaGunOb