Nakadawat ang Barangay Gun-ob pinaagi sa atong Facebook Page og reklamo gikan sa mga residente sa Purok Sacred Heart mahitungod sa usa ka tawo nga namatikdan nga naglibot samtang nagdala og kutsilyo.
Dihadiha kining giaksyunan ni Barangay Captain Carl Steven Weigel uban ni Konsehal Michael “Makay” Bering, pinaagi sa koordinasyon sa atong mga Barangay Tanod ug sa kapulisan, aron mapangita ang maong indibidwal ug masiguro ang kaluwasan sa komunidad.
Gipahinumdoman ang tanang residente nga magpabiling alerto ug likayan ang pagduol o pakig-atubang sa bisan kinsang mahimong makahatag og hulga sa kaluwasan. Kon adunay makita nga susamang insidente o kahimtang, palihug dayon kini nga ireport sa Barangay o sa kapulisan aron matubag dayon ang sitwasyon.
Nagpasalamat ang Barangay Gun-ob sa mga residente nga dali nga mitaho sa maong insidente. Ang inyong kooperasyon ug pagkamabinantayon usa ka dakong tabang sa pagmintinar sa kalinaw, kahapsay, ug kaluwasan sa atong komunidad.