Karong buntaga, Hulyo 8, 2026 (Miyerkules) sa eksaktong 6:00 AM, malampusong gipahigayon ang Clean-Up Drive sa Purok Ampalaya “Bato” isip kabahin sa padayon nga kampanya sa Barangay Gun-ob alang sa usa ka limpyo, luwas, ug himsog nga komunidad.
Ang maong kalihokan gipangunahan ni OIC Sir Mauro Alam, uban sa aktibong partisipasyon sa Environmental Sanitation Department pinaagi ni Ma’am Marie Joei Gastil, sa atong Monitoring Team, Ma’am Cheryl Panla-an, ug sa atong dedikadong Garbage Collection Team nga nagpakita sa ilang walay hunong nga serbisyo sa katawhan.
Kining inisyatiba gihimo ubos sa pagdumala ni Hon. Michael Bering, Chairperson sa Solid Waste Management Board (SWMB), uban sa bug-os nga suporta ni Barangay Captain Carl Weigel, aron mapadayon ang kalimpyo ug kahapsay sa matag purok sa Barangay Gun-ob.
💚 “Ang limpyo nga palibot, luwas nga pamilya.”
Padayon kita sa pagtinabangay aron malikayan ang pagkatapok sa basura ug mapugngan ang mga sakit sama sa dengue ug uban pang sakit nga dala sa hugaw nga palibot.
📸 Tan-awa ang Before and After photos ug makita ang dako nga kausaban pinaagi sa panaghiusa ug kooperasyon sa tanan.
♻️ Hinumdumi: Ang pag-atiman sa atong palibot responsibilidad sa matag usa. Likayi ang ilegal nga paglabay og basura ug magtinabangay ta alang sa mas limpyo ug mas maayong Barangay Gun-ob.
#CleanUpDrive #PurokAmpalayaBato #LimpyoNgaGunOb #SolidWasteManagement #ParaSaGunOb #BrgyGunobPublicInformationOffice
