Nahinabi pag-usab nato si Hon. Kenneth “Ken Ken” Weigel, Assistant Chairman for Sports Commission sa Barangay Gun-ob, ug si Mr. Erlone C. Baguio, Head sa Sports Commission, kabahin sa insidente diin usa ka player ang nanukmag og referee atol sa duwa sa SK Cup 2026.
Sumala sa ilang pamahayag, ang Sports Commission nagkondena sa bisan unsang matang sa kapintasan sulod ug gawas sa court. Ang maong insidente giatubang na pinaagi sa hustong proseso ug imbestigasyon aron masiguro ang patas nga pagpatuman sa mga lagda ug ang kaluwasan sa tanang players, referees, ug spectators.
Gipahinumdoman usab ang tanang teams, coaches, ug supporters nga ipadayon ang pagpakita sa sportsmanship, disiplina, ug respeto sa matag duwa. Ang SK Cup 2026 dili lamang kompetisyon, kondili usa ka kalihokan nga nagpalambo sa panaghiusa, respeto, ug talento sa kabatan-onan.
#SKCup2026
#Sportsmanship
#BarangayGunOb