𝗜𝗡 𝗣𝗛𝗢𝗧𝗢𝗦 | 𝗣𝗼𝗹𝗶𝗰𝗲 𝘂𝗴 𝗧𝗮𝗻𝗼𝗱 𝗣𝗿𝗲𝘀𝗲𝗻𝗰𝗲 𝘀𝗮 𝗚𝘂𝗻-𝗼𝗯 𝗛𝗶𝗴𝗵 𝗦𝗰𝗵𝗼𝗼𝗹

Aron masiguro ang kalinaw, kahapsay, ug kaluwasan sa atong mga estudyante, nagpalig-on sa ilang presensya ang kapulisan ug mga Barangay Tanod sa palibot sa Gun-ob High School.

Kini human sa usa ka blotter nga naitala niaging semana kabahin sa panagbangi tali sa pipila ka mga estudyante sa Gun-ob High School ug Gun-ob Night High School. Sumala sa inisyal nga impormasyon, ang sinugdanan sa panaglalis giingong may kalabotan sa usa ka online game nga Roblox.

Agig tubag niini, padayon ang pagmonitor ug pagpatuman sa mga lakang sa seguridad aron malikayan ang dugang pang kagubot ug masiguro nga malinawon ug luwas ang palibot sa eskwelahan.

Gidasig usab nato ang atong kabatan-onan nga pilion ang respeto, panaghiusa, ug malinawon nga pagsulbad sa bisan unsang panaglalis. Magtinabangay kita sa pagmintinar sa usa ka luwas ug positibong palibot alang sa tanang estudyante.

#GunOb
#KalinawSaEskwelahan
#AksyonAgad
#ParaSaGunOb
#BrgyGunobPublicInformationOffice