Nagpakita sa lig-on nga panaghiusa ug dedikasyon alang sa kaayohan sa kabataan ang atong Day Care Teachers, CSWD/DSWD personnel, ug ang Barangay Gun-ob Administration pinaagi sa usa ka koordinasyon nga nagtumong sa pagpalig-on sa Supplemental Feeding Program sa atong mga Day Care Centers.
Atol sa pagbisita sa Barangay Office, si Ma’am Necil uban sa mga kawani sa CSWD/DSWD nakigkita kang Punong Barangay Kap. Carl Steven Weigel aron mangayo og suporta sa transportasyon alang sa pagkuha sa mga pagkaon nga gamiton sa Supplemental Feeding Program.
Sa iyang makanunayon nga pagtagad sa panginahanglan sa komunidad, giaprubahan ni Kap. Carl ang paggamit sa sakyanan sa barangay aron masiguro ang hapsay, luwas, ug tukmang pagdala sa mga food provisions alang sa atong mga Day Care learners.
Nagpasalamat ang Barangay Gun-ob sa CSWD/DSWD personnel, Ma’am Necil, sa tanang Day Care Teachers, ug sa tanang nagtinabangay aron mapadayon ang maayong nutrisyon ug kaayohan sa atong kabataan.
💙 Kay ang himsog nga kabataan mao ang lig-on nga kaugmaon sa atong komunidad.
#SerbisyongMayKasingkasing #BarangayCare #SupplementalFeeding #ParaSaKabataan #ParaSaGunOb
