Karong adlawa, aktibong miapil ang Barangay Gun-ob sa International Coastal Cleanup Drive, isip kabahin sa hiniusang paningkamot sa pagpanalipod, pagpreserbar, ug pag-atiman sa atong katubigan ug kinaiyahan.
Gipanglimpyo sa mga partisipante ang coastal areas ug gitigom ang nagkalain-laing matang sa basura nga makita sa palibot. Pinaagi niini, gipasiugda ang kahinungdanon sa responsableng pagdumala sa basura ug sa padayon nga pag-atiman sa atong kadagatan.
Pinaagi niining maong kalihokan, gipakita pag-usab sa Barangay Gun-ob ang panawagan alang sa mas limpyo, mas luwas, ug mas malungtarong komunidad.
🤝 Usa ka kalihokan. Usa ka panaghiusa. Usa ka responsibilidad alang sa kinaiyahan.
#InternationalCoastalCleanupDrive
#AksyunAgad
#ParaSaGunOb
#KaabagDiliBabag
#BrgyGunobPublicInformationOffice
