Bisan wala si Barangay Captain Capt. Carl Weigel kagahapong adlawa tungod sa iyang kahimtangan sa panglawas, nagpadayon gihapon ang Lakbay Purok isip tinud-anay nga suporta sa iyang maayong liderato ug tinuod nga serbisyo publiko.
Ang kalihokan gipangulohan ni 1st Konsehal Ken-Ken Weigel, uban sa mga konsehal ug opisyal sa barangay, aron masiguro nga magpadayon ang misyon ni Capt. Carl Weigel sa pagduaw sa matag purok ug pagserbisyo sa tanang Gun-obanon.
Sa iyang pakigpulong, gisaysay ni Konsehal Ken-Ken Weigel ang mga plano ug proyekto ni Capt. Carl Weigel, ilabina ang pagpalig-on sa CCTV system sa barangay, nga tumong mahimong CCTV Capital sa tibuok Lapu-Lapu Cityβusa ka dakong lakang padulong sa mas lig-on nga seguridad ug kahapsay sa komunidad.
Gipasabot usab niya nga kung adunay residente nga andam mo-donate og yuta alang sa dalan, sama sa gibuhat ni Maβam Alice Walker, andam ang barangay nga mo-finance sa pagpasemento, pagbutang og suga, ug pag-install sa hustong drainage system. Kini usa ka pamaagi nga gisugdan ug gipalig-on ubos sa liderato ni Capt. Carl Weigel.
Nagpasalamat usab siya sa suporta ni Mayor Junard βAhongβ Chan ug Cong. Cindi Chan, nga naghatag og pondo alang sa solar-powered water processing stationβusa ka dakong proyekto nga maghatag og dugang suplay sa libre ug limpyo nga tubig alang sa barangay.
Si Konsehal Angiela Arias mipahayag sa mga plano alang sa suporta sa senior citizens, PWDs, LGBTQ+ community, ug solo parents. Gipahibalo usab niya ang paghatag og school supplies sa mga daycare students, usa ka inisyatibo nga nagpakita sa padayong pagtagad sa edukasyon ug pagpakunhod sa gasto sa mga ginikanan.
Si Konsehal Makay Bering mipasiugda sa kahinungdanon sa hustong sistema sa pangolekta sa basura, usa sa mga prayoridad ni Capt. Carl Weigel. Iyang gipresentar ang βBell Systemβ, usa ka epektibong pamaagi sa pagpahibalo sa mga residente sa oras sa koleksyon sa basura. Dugang pa, ipatuman usab ang βTora-Toraβ tricycle, nga gamiton sa pagkolekta sa basura sa mga sudlonon nga lugar aron malikayan ang pagtapok niini sa mga dalan. Misuporta usab siya sa plano sa barangay sa pagpalit og sakyanan nga gamiton sa pagdistribute sa tubig gikan sa solar-powered water processing station.
Bisan wala si Capt. Carl Weigel kagahapong adlawa, ang Lakbay Purok nagpabiling usa ka testamento sa iyang maayong pamuno ug tinud-anay nga serbisyo publiko. Ang mga kauban niya sa konseho ug tanang opisyal sa barangay nagpadayon sa iyang misyonβang paghatod sa matinud-anong serbisyo sa matag Gun-obanon.
Kini usa ka pruweba nga ang tinuod nga pagpangulo dili mapugngan, ug ang paningkamot alang sa kaayohan sa katawhan magapadayon bisan pa sa mga hagit.
Padayon ang pagtinabangay!
Padayon ang progreso sa Barangay Gun-ob!
π² Para sa dugang balita ug updates, follow:
β’ Capt. Carl Weigel
β’ Gun-ob TV
β’ Konsehal Ken-Ken Weigel
β’ Konsehal Angiela Arias
#KaabagDiliBabag #AksyunAgad #ParaSaGunOb
#BrgyGunobPublicInformationOffice
#WeigelAdministrationInAction
