GUN-OB NEWS UPDATE:
Tan-awa | Sa padayon nga paningkamot nga mapatuman ang tinuod nga serbisyo sa katawhan, mitambong si Capt. Carl Weigel sa Brigada Eskwela 2025 sa Gun-ob Elementary School aron ipakita ang iyang malungtaron nga suporta sa edukasyon ug kabataan. 💙
Walay duha-duha sa pagtabang si Kapitan Weigel sa pagpanghatag og materyales nga gigamit sa pag-andam sa eskwelahan sama sa pintal, suga, ug uban pang gamit para sa kahapsay ug kalimpyo.
Apan dili lang kutob diha—gitubag usab ni Kapitan Weigel ang hangyo sa mga maestra alang sa E-Library, nga karon anaa na sa proseso ug dili madugay mapahimuslan sa atong mga estudyante!
Kini nga inisyatibo magahatag og lapad nga kahigayunan sa digital learning alang sa kabataan sa Gun-ob, usa ka konkretong buhat nga nagpakita sa lider nga motubag, molihok, ug mohatag og tinuod nga solusyon.
💬 Mensahe ni Capt. Carl Weigel:
“Ang edukasyon maoy yawi sa kalampusan, ug responsibilidad nato nga andaman og hapsay ug luwas nga eskwelahan ang atong mga kabataan.”
Ang Brigada Eskwela usa ka tin-aw nga ehemplo sa panaghiusa sa gobyerno ug komunidad, ug ubos sa liderato ni Kapitan Weigel, padayon ang tinuod nga serbisyo—dili lang sa pulong, kundi sa buhat.
For more news and updates, follow:
📌 Capt. Carl Weigel
📌 Gun-ob TV
#AksyunAgad #ParaSaGunOb #KaabagDiliBabag #WeigelAdministrationInAction #BrgyGunobPublicInformationOffice
