Usa ka matahom ug mapasidunggang adlaw alang sa atong komunidad! 🙏
Giabi-abi sa tibuok Barangay Gun-ob ang pagbisita sa atong mahal nga Birhen sa Regla, ang inahan ug patrona sa Lapu-Lapu City. Usa kini ka dakong grasya ug kalipay nga makauban nato siya karon sa pag-ampo ug pagpasalamat sa Ginoo. 💚
Kuyog sa atong Kapitan Carl Steven Weigel, uban sa mga Barangay Officials ug katawhan sa Gun-ob, mainiton nga gi-welcome ang Birhen sa Regla sa iyang pagbisita. Ang tibuok komunidad nagpakita sa paghiusa, pagtuo, ug pagpasalamat sa mga panalangin nga nadawat sa atong barangay. ✨
Karon, ang mahal nga Birhen sa Regla anaa sa Barangay Hall, diin siya nag-uban sa atong Patron nga si St. Jude Thaddeus, nga magasaulog usab sa iyang kapistahan karong buwana. Usa kini ka talagsaong higayon nga makita nato ang duha ka patron nga nag-uban aron panalipdan ug panalanginan ang atong barangay ug mga pamilya.
Gihangyo nato ang tanan nga makaapil sa atong misa karong alas 5 sa hapon, aron maghiusa sa pag-ampo ug pagpasalamat. Kini nga kalihokan dili lang usa ka relihiyosong okasyon, kun dili usa usab ka pahinumdom nga ang pagtuo ug pagkahiusa mao’y nagpalig-on sa atong komunidad.
Daghang salamat sa tanang nitambong, nagserbisyo, ug nagtampo sa kalampusan sa atong Patronal Visit. Ang inyong presensya ug pagampo mao’y nagpamatuod nga buhi gyud ang espiritu sa pagkahiusa ug pagtuo dinhi sa Barangay Gun-ob. 💖
Viva Birhen sa Regla! Viva Señor San Judas Tadeo! 🙌
#PatronalVisit2025 #ParaSaGunOb #KaabagDiliBabag #WeigelAdministrationInAction #BrgyGunobPublicInformationOffice
https://www.facebook.com/share/v/1BzgDk6rjB
