Usa ka malampuson ug makahuluganon nga kalihukan ang nahitabo karong adlawa dinhi sa Barangay Gun-ob pinaagi sa atong Breast Cancer Awareness Seminar, nga gitumong aron mas mapalapad ang kahibalo ug mas mapakusog ang pag-atiman sa kahimsog sa atong mga kababaye-an.
Dako kaayo natong pasalamat sa atong kugihan ug dedikadong Barangay Health Workers (BHW) nga kanunay nagserbisyo sa katawhan ug nagpakita og tinuoray nga kadasig sa pagpaabot sa insaktong impormasyon bahin sa paglikay, pag-ila sa mga sintomas, ug regular nga check-up batok breast cancer.
Gipasalamatan usab nato ang SK Chairwoman Sheena Baguio sa iyang aktibong pag-apil ug pagtabang sa pag-organisar sa maong kalihukan, lakip na ang pagdasig sa kabatan-onan nga maapil sa mga programa nga may kalambigitan sa kahimsog ug kaayohan.
Ilawom sa lig-on nga suporta ug liderato ni Kapitan Carl Weigel, mas napadali ang koordinasyon ug mas nahatagan og importansya ang pagdala og mga inisyatibo nga nag-atiman sa mental, physical, ug emotional health sa tanan.
Ang seminar usa ka pahinumdom nga ang kahimsog mao ang yaman, ug pinaagi sa pagpanghibalo ug maayong edukasyon, daghan natong maluwas ug matabangan.
Padayon ta sa pagpakabana, pag-atiman sa atong kaugalingon, ug pagkuyog sa mga programa nga nagdala ug kaayohan alang sa tanan. đź’™
#BreastCancerAwareness
#GunobCares
#WomensHealth
