Padayon ang pag-roving ug pag-monitor sa atong VAWC Desk ug BPSO Staff, uban sa kapulisan, sa nagkadaiyang internetan dinhi sa Barangay Gun-ob aron masiguro ang pagsunod sa mga balaod ug ordinansa sa barangay.
Atol sa maong operasyon, adunay mga minors nga nasakpan nga nagdugay sa mga internetan, ilabi na sa dili angay nga oras. Tungod niini, sila gipahimangnoan ug gipahatod sa ilang mga ginikanan aron mapahibalo ang kahimtangan ug mapahinumduman ang responsibilidad sa pag-atiman ug pagbantay sa ilang mga anak.
Ang maong kalihokan kabahin sa padayon nga paningkamot sa barangay sa pagpanalipod sa kabatan-onan batok sa mga posibleng risgo ug aron mapadayon ang disiplina sa komunidad.
Ang Barangay Gun-ob nag-awhag sa tanang ginikanan ug mga tag-iya sa internetan nga magtinabangay sa pagsunod sa mga ordinansa aron masiguro ang kaluwasan ug maayong kaugmaon sa atong kabatan-onan.
Padayon ang aksyon para sa kalinaw, seguridad, ug kaayohan sa atong komunidad.
#BarangayGunOb
#AksyonAgad
#BantayKabataan
#ParaSaGunOb
