Malampuson gayud nga napahigayon kaganiha ang “Libreng Serbisyo para sa Kababayen-ang Gun-obanons” dinhi sa atong barangay! Usa kini ka mahinungdanong kalihokan nga nagtumong sa paghatag og libre ug mapuslanong serbisyo alang sa atong mga kababayen-an isip pagpasidungog sa ilang papel sa komunidad.
Daghang salamat sa tanang kababayen-an nga mitambong ug aktibong nagpahimulos sa mga serbisyo sama sa BP ug sugar testing, haircut, manicure/pedicure, massage, facial, Zumba, ug uban pa. Ang inyong partisipasyon nagpakita sa kusog nga suporta sa mga programa nga nagpalambo sa kahimsog ug kaayohan sa matag Gun-obanon.
Dako kaayong pasalamat kang Konsehal Angiela Arias nga maoy nanguna ug nag-organisa niini nga kalihokan. Ang iyang dedikasyon ug pagpakabana maoy hinungdan sa kalampusan niini nga programa.
Pasalamatan usab nato si Capt. Carl Weigel, uban sa tanang Barangay Officials, sa ilang padayon nga suporta ug pagpangulo. Ang inyong panaghiusa naghatag og kusog aron mapadayon ang pagserbisyo sa katawhan.
Usab, among giila ang tanang volunteers, health workers, LGBTQIA+ community, ug partners nga walay kakapoy nga mitabang aron mahimong organisado ug malampuson ang maong kalihokan. Kamo ang tinuod nga bayani sa likod sa matag programa sa atong barangay.
Padayon ta sa paghatag og kalidad nga serbisyo ug mga programa nga makabenepisyo sa matag usa. Magkahiusa kita alang sa mas lig-on, mas himsog, ug mas progresibong Barangay Gun-ob! 💪✨
#LibrengSerbisyo
#KababayenAn
#BarangayGunOb
#SerbisyongTinuod
#PadayonAngPagAlagad
