Gibisita sa mga estudyante sa Carcar City College si Hon. Capt. Carl Steven Weigel aron mangayo og permiso ug suporta alang sa ilang research study kabahin sa digital skills sa e-governance sa mga barangay.
Sumala sa mga estudyante, ilang napili ang Barangay Gun-ob tungod kay kini usa sa mga barangay nga naga-implement og e-governance, nga nakatabang sa pagpaayo ug pagpasayon sa serbisyo alang sa katawhan.
Gipadayag usab ni Capt. Carl ang iyang dakong pasalamat nga bisan sa kalayo sa ilang lugar, gipili gihapon sa mga estudyante ang barangay isip kabahin sa ilang pagtuon. Iyang gipahayag nga andam siya ug ang barangay sa paghatag og suporta alang sa kalampusan sa maong research.
Ang maong pagbisita kabahin sa ilang kurso sa Public Administration, nga nagtumong sa pagpalambo sa serbisyo publiko pinaagi sa paggamit sa teknolohiya.
Nagpasalamat ang grupo sa mainitong pagdawat ug kooperasyon nga ilang nadawat gikan sa Barangay Gun-ob.
#PublicService
#EGovernance
#CarcarCityCollege
#WeigelAdministrationInAction
#AksyonAgad
#ParaSaGunOb
#BrgyGunobPIO
