Karong buntaga, malampuson natong gipahigayon ang unang Flag Raising Ceremony alang sa bulan sa Abril 2026. Kini gidumala ug gipangunahan sa atong aktibong konsehal, Hon. Michael Bering, uban sa hiniusang pwersa sa mga kawani sa atong barangay.
Samtang nagsugod kita sa bag-ong bulan, ato usab nga gipahinumdoman ang tanan sa kamahinungdanon sa Abril 9 — Adlaw sa Kagitingan (Day of Valor). Kini usa ka holiday diin atong gihatagan og pasidungog ang kaisog sa atong mga bayani. Hinaot nga ang ilang kadasig magsilbing inspirasyon kanato sa paghatag og tiunay ug de-kalidad nga serbisyo sa atong isig-katawo.
Dako usab ang atong pasalamat ngadto sa atong halangdong Punong Barangay, Hon. Carl Weigel, ug sa tibuok Sangguniang Barangay sa Gun-ob. Bisan pa man sa kabusy sa atong Kapitan sa pag-asikaso sa uban pang mahinungdanong buluhaton alang sa kalamboan sa barangay, ang iyang suporta ug giya nagpabilin lig-on aron masiguro nga magpadayon ang atong mga tradisyon ug programa para sa kaayohan sa tanang Gun-obanon.
Magkuyog kita niining bulana sa pagserbisyo nga adunay kasingkasing! 🫡
#BarangayGunob #FlagCeremony #April2026 #AdlawSaKagitingan #SerbisyongGun-obanon
