Malampuson nga gipahigayon ang Liga ng mga Barangay (ABC) Regular Session sa Olango Island diin nagtapok ang mga barangay leaders aron hisgutan ang mga lakang sa pagpalambo sa serbisyo alang sa katawhan.
Usa sa mga gipasiugda sa sesyon mao ang Lupon AI, usa ka AI program nga gihimo ni Capt. Carl Weigel sa Barangay Gun-ob. Kini nagtumong sa pagpaspas ug pagpaayo sa proseso sa Barangay Justice System, nga makahatag ug mas episyente ug modernong serbisyo sa komunidad.
Gihisgutan usab ang pagpangandam alang sa World Blood Donor Day, diin gi-awhag ang matag barangay nga makaparehistro ug dili moubos sa 50 ka blood donors, ubos sa pagpanguna ni Dr. Emilio Galaroza Jr. ug Delsie Salgado.
Dako usab ang among pag-ila ug pagpasalamat sa Kap Jasmine Daday Chan sa iyang liderato ug padayon nga paggiya sa Liga ng mga Barangay, nga nakatabang sa maayong dagan sa maong sesyon.
Usab, nagpasalamat ang tanan sa mga Kapitanes sa Olango Island sa ilang mainiton nga pag-host, maayong pag-atiman, ug pag-andam sa lamiang pagkaon.
✨ Padayon ang panaghiusa ug paningkamot sa matag barangay alang sa mas lig-on, episyente, ug progresibong komunidad!
#ABCSession #OlangoIsland #BarangayLeadership #LuponAI #SerbisyongTinuod #OneBarangay
