Malampuson ug mapasalamaton nga gipahigayon karong adlawa ang Official Launching sa Libreng Serbisyo Program sa Barangay Gun-ob, nga nagtinguha nga maghatag og mas duol, mas accessible, ug mas dekalidad nga serbisyo para sa mga Gun-obanon. Kini nga programa naglangkob sa lain-laing serbisyong pangkomunidad nga libre ug para gyud sa kaayohan sa matag pamilya sa atong barangay.
📍 Atangi ninyo ang inyong tagsa-tagsa ka purok kay ang Libreng Serbisyo maglibot aron mas daghan pa ang maka-avail ug makabenepisyo sa maong inisyatibo.
Daghang salamat sa atong buotan ug aktibo nga Capt. Carl Weigel sa iyang walay puas nga suporta, pagpangulo, ug dedikasyon sa pagpalambo sa serbisyo publiko sa Barangay Gun-ob. Ang iyang tinguha nga mapalapad ang serbisyo alang sa katawhan maoy usa sa mga kusog nga pundasyon niini nga programa.
Dakong pasalamat usab sa atong Committee on Health, Kons. Bam Bam Baring, kauban ang tanang Barangay Gun-ob Officials, sa ilang hiniusang paningkamot, kooperasyon, ug padayon nga serbisyo alang sa kalamboan sa atong komunidad. Ang ilang panaghiusa nagpakita sa tinuod nga diwa sa public service.
Mainit usab nga pagpasalamat sa atong mga lider sa Dakbayan, Mayor Cindi King Chan ug Congressman Junard “Ahong” Chan, sa ilang lig-on nga suporta ug sa pagdala niining programa ngadto sa atong barangay. Tungod sa ilang paningkamot ug tabang, daghang pamilya ang makabenepisyo sa libreng serbisyo nga makatabang sa ilang panginahanglan sa adlaw-adlaw nga kinabuhi.
Dako usab ang among pagpasalamat sa atong Barangay Health Workers ug Oponganon Skeptron sa ilang suporta ug presensya nga nakadugang kalampusan sa maong kalihokan.
✨ Kini nga programa dili lang usa ka serbisyo, apan simbolo sa panaghiusa, pag-atiman, ug tinuod nga pagserbisyo sa katawhan. Padayon ta sa pagtinabangay alang sa mas lig-on, mas malambuon, ug mas maayong Barangay Gun-ob!
#AksyonAgad #ParaSaGunOb #BrgyGunobPublicInformationOffice #KaabagDiliBabag
https://www.facebook.com/share/v/18gJCaUSkg
