🚨 PAGPAHIBALO SA TANAN! 🚨
Usa ka makapasubo ug makapasuko nga insidente ang nahitabo bag-o lang, diin gikawat ang battery sa atong garbage truck sa Barangay Gun-ob.
Tungod niini, makaapekto ug makalangan ang regular nga schedule sa pangolekta sa basura, ilabi na sa mga sitio nga naka-line up unta karong semanaha. Dili kini gamay nga butang kay kalimpyo ug kahimsog sa atong komunidad ang direktang apektado.
🔍 Nagpadayon na ang imbestigasyon sa atong mga basurero ug sa BPSO. Naghangyo kami sa inyong tabang ug kooperasyon:
👉 Kung aduna moy nahibaw-an kabahin sa maong insidente o posibleng suspetsado, palihug ipahibalo dayon sa Barangay Hall o sa BPSO.
Magtinabangay ta aron mapanubag ang responsable ug mapadayon ang hustong serbisyo sa barangay. Dili nato tugotan nga ang dautang binuhatan maoy makababag sa progreso ug kalimpyo sa Gun-ob.
Daghang salamat sa inyong pagsabot ug suporta. 🙏
📢 Para sa dugang updates, i-like ug i-follow:
📌 Gun-ob TV
📌 Capt. Carl Weigel