GUN-OB NEWS UPDATE:
Tan-awa | Karong adlawa, usa ka insidente ang natuki dinhi sa atong barangay nga may kalabutan sa paglubag sa usa sa atong CCTV cameras. Ang maong hitabo na-post usab sa opisyal nga Facebook page ni Mayor Junard “Ahong” Chan.
Giatubang dayon kini sa atong halangdong Kapitan Capt. Carl Weigel, ug giila ang mga tawo nga responsable — mga lineman ug kontraktor gikan sa usa ka dako nga Telco company. Matod pa nila, wala silay intensyon nga hilabtan ang CCTV, ug nagsunod ra sila sa mando sa usa ka residente nga ilang gihunahuna nga tag-iya sa kamera.
Bisan pa niini, girespeto nato ang ilang katungod isip trabahante, ug nasabtan nga nagdepende lang sila sa impormasyon nga gihatag sa ilaha.
‼️ Pahimangno sa Tanan:
PALIHUG AYAW GYUD MOG HILABOT SA MGA KAGAMITAN SA BARANGAY nga wala moy tinuod nga otoridad o katungod.
Ang pagpanghilabot sa CCTV, bisan pa sa gobyerno o pribado, mahimong mosangpot sa kasong kriminal. Ang CCTV camera usa ka importante nga gamit sa seguridad ug proteksyon.
Kini nga post usa ka pahimangno ug pahibalo sa tanan nga magtinabangay ta aron mapadayon ang kalinaw ug kaluwasan sa atong barangay.
Daghang salamat sa inyong pagsabot ug suporta! 🙏
For more news and updates, follow:
Capt. Carl Weigel | Gun-ob TV
#AksyunAgad #ParaSaGunOb #KaabagDiliBabag #WeigelAdministrationInAction #BrgyGunobPublicInformationOffice
