Nagpahigayon ug meeting ang mga lumulupyo sa Purok Kalabasa kabahin sa padayon nga problema sa baha sa dalan atbang sa San Roque Chapel. Matag uwan, mo baha kini ug ang tubig magpundo sulod ug gawas sa kapilya.
Dugay na kining gi-report kang Capt. Carl Weigel ug naabot na usab kini sa contractor nga maoy nagtrabaho sa drainage nga sakop sa Department of Public Works and Highways (DPWH) nga proyekto. Apan hangtod karon, wala pa makabalik ang contractor aron matiwas ang trabaho, ilabi na ang manhole nga kinahanglan na limpyohan.
Bisan pa man sa limitasyon nga dili unta pwede mohilabot ang barangay tungod kay DPWH project kini, nakita ni Capt. Carl nga kinahanglan gyud nga lihokon dayon tungod sa padayon nga ulan ug kahasol sa komunidad.
Busa, nagkasabot ang mga residente sa Purok Kalabasa, kauban ang Barangay Officials ug si Capt. Carl Weigel, nga:
✅ Magpahigayon ug bayanihan aron matambakan ug mapatas-an ang palibot sa kapilya
✅ Padayon nga makig-coordinate sa contractor ug DPWH aron daliang maasikaso ang drainage
Ang kaluwasan ug kaayohan sa katawhan mao ang una natong giuna. Pinaagi sa panaghiusa ug pagtinabangay, masulbad ra gyud nato kini! 💪🏘️
#PurokKalabasa #Bayanihan #SerbisyoSaBarangay #ParaSaGunOb #AksyonAgad #BrgyGunobPublicInformationOffice
