Padayon ang paningkamot sa pagsulbad sa dugay nang problema sa pagbaha sa Carajay Road.
Pila ka bulan ang milabay, nagpagawas og live update si Barangay Gun-Ob Captain Carl Steven Weigel aron ipakita ang aktuwal nga kahimtang sa lugar ug ang kalisod nga giatubang sa mga residente ug motorista tungod sa kanunay nga pagbaha.
Tungod niini, gisugdan ang pag-repair sa drainage sa concerned contractor. Apan alang kang Kap. Carl Weigel, dili igo ang temporaryong solusyon—ang tumong mao ang permanente ug mas epektibong paagi aron masulbad ang problema.
Karong higayona, gipatawag ni City Councilor Dr. Emilio Galaroza ang mga concerned agencies ug stakeholders aron mag-assess sa sitwasyon ug maghisgot sa konkretong mga lakang.
Apil sa maong diskusyon si Barangay Gun-Ob Captain Carl Steven Weigel, kauban ang mga representante sa DPWH, City Engineering Office, CENRO, City Councilor Rufo Ymbong Bering, ug ang tag-iya sa Pacific Grande nga si Sir Teddy Uy.
🤝 Tumong sa maong panagtigom ang hiniusang pag-assess sa mga hinungdan sa pagbaha ug pagplano sa dugayng panahon ug permanenteng solusyon alang sa kaluwasan sa mga residente ug motorista nga moagi sa Carajay Road.
Dili lang temporaryong pag-ayo. Permanenteng solusyon ang atong gipangita.
Padayon ang koordinasyon.
Padayon ang aksyon.
Padayon ang pagpangita og solusyon para sa mga Gun-Obanon. 💙
#CarajayRoad #SolusyonSaBaha #BarangayGunOb #KapCarlWeigel #SerbisyoPubliko #AksyonDayon
