Gipahinumdoman ang tanang lumulupyo nga magmatngon sa mga kahoy ug dagkong sanga nga delikado nang matumba, ilabi na panahon sa kusog nga ulan ug hangin.
Gikan kini sa insidente nga nahitabo kaganihang alas 4:00+ sa hapon sa Purok Nangka Lumoy, diin usa ka kahoy ang natumba ug hapit nakaigo sa usa ka sakyanan ug nakababag sa agianan.
Dako ang among pasalamat sa BDRRMO sa ilang dali ug paspas nga pagresponde sa pagputol ug paghawan sa natumbang kahoy. Tungod sa ilang kaabtik, malikayan ang dugang nga peligro sa lugar. 👏🚨
Aron malikayan ang susamang insidente:
✅ I-report dayon sa Barangay kung adunay mga sanga o punoan sa kahoy nga delikado nang matumba o duol sa mga balay ug linya sa kuryente.
✅ Likayi ang pag-park sa mga sakyanan ilalom sa dagkong kahoy, labi na kung kusog ang ulan o hangin.
🤝 Ang kaluwasan sa atong barangay, responsibilidad natong tanan!
#CommunitySafety #BDRRMOResponse #PublicSafety #BarangayAlert
